""GALLUP International Association" şirkətinin Ermənistanda keçirdiyi rəy  sorğusunun nəticələrini burada paylaşmışdım.

Sorğuda qoyulan suallardan birinə verilən cavabdan  belə bəlli olur ki,  revanşizm haqqında düşünən hay respondentlərin 40%-i  İranın, 34,2%-i Fransanın, 30%-i Rusiyanın, 27,8%-i isə  ABŞ-ın onlara hərbi-siyasi dəstək göstərəcəklərinə ümid edirlər."

7NEWS.az xəbər verir ki, bu barədə millət vəkili Sahib Alıyev məlumat verib: "Amma Ermənistanın kimin qanadının altında yaşamasına, hansı dövlətə forpostluq etməyə üstünlük verməli olduqlarına gəldikdə  rəyi öyrənilənlərin cəmisi 4,8 faizi  İranın adını çəkir. 

Maraqlıdır deyilmi, göründüyü kimi bizə düşməncəsinə yanaşanların bir dövlət olaraq İrandan elə də xoşları gəlmir, onların arasında Tehrandakı dinsiz rejimdənsə Rusiyaya xidmət etməli olduqlarını düşünənlər təqribən 5 dəfə çoxdular. Ancaq Azərbaycanla savaş başlayarsa, hərbi-siyasi dəstəyi  daha çox İrandan gözləyirlər. 

Niyəsi sirr deyil. Birincisi, onlar görürlər ki, İran Azərbaycana Ermənistandan da düşməncəsinə yanaşır. İkinsi, Qarabağ uğrunda gedən savaşlarda  dinsiz rejimdən hərtəfli yardım alıblar. Ermənistan xarici işlər nazirinin müavini Vahan Kostanyan bu yaxınlarda hətta  ötən ilin sentyabr döyüşlərində də İranın onlara kəşfiyyat və hərbi-texniki dəstək verdiyini  etiraf etdi. Yəni bu reallıqlardır revanşizm üzərində düşünən hayları İranı özlərinin ən yaxın müttəfiqi gözündə görməyə vadar edən.

İndi sizdən soruşmaq istərdim, Azərbaycanda belə bir rejimə qulluq edənlər necə adlanmalıdırlar? Biz aramızda elələrinin varlığına  dözməliyikmi? Güc sturukturlarımız bizə qarşı qatı düşmənçilik siyasəti yeridən rejimə xidmət edən o cür yaramazları  bir-bir, yaxud dəsətə halında üzə çıxarıb hara lazımdır ora da göndərir.  Və mən bunu alqışlayıram! 

Ancaq cəmiyyət olaraq biz nə edirik? Xeyli dindarlarımız var ki, İrana bağlıların təsiri altında xüms verirlər. Onlar anlayırlarmı ki, verdikləri o pullar,  hərbi-texniki dəstək şəkilində haylara ötürülür.  Azərbaycan dövlətinin, bütövlükdə millətimizin əleyhinə yönələn məqsədlərə  sərf edilir. Pulun var, qonşuluğundakı kasıba əl tut, digər xeyirxyahlıqlar et, yağlı sifət, yüngülsaqqal birinə niyə verirsən?

Daha bir neçə sual-yanvarın 27-də Tehrandakı səfirliyimizə qarşı terror aktı törədiləndə həm İrana bağlı təbliğat resurslarında gedən materialları, həm də hazırda qərbdə əyləşən reklamın pisini də özləri üçün qənimət bildiklərindən adlarını çəkmədiyim 3-4  yaramazın  bu haqda ağ yalanlara dolu "xəbər"lərini, "şərh"lərini, "təhlil"lərini  bəyənənlərin arsında heçmi tanıdıqlarımız yoxdur?Neçəmiz onlardan "bu nə hərəkətdir edirsən, sən öz dövlətinin, millətinin əleyhinə yönələn belə iftiranı necə, hansı məntiqlə bəyənirsən",- deyə soruşduq? Onalrdan neçəsinə bu cür davranışlarını davam etdirəcəkləri halda  bütün əlaqələrəmizi kəsəcəyimizi bildirdik?

Cəmiyyət olraq bizim belə məsələlərdə barışmaz mövqe sərgiləməmiz  güc strukturlarımızın Azərbaycanın düşmənlərinə casusluq edən şərəfsizləri tutub həbsə atmalarından heç də az önəmli deyil.

Biz görmürükmü ki, Laçın yolunda aksiya keçirən, vətəndaş mövqeyi ortaya qoyan çoxu gənclərdən ibarət soydaşlarımızın təəssübkeşlikləri  kimləri, necə böyük çevrələri qıcıqlandırır?  Niyə, bilirsinizmi? Ona görə ki, burada təkcə dövlətimizin deyil,  bütövlükdə xalqmızın torpaqlarımız üzərində suverenliyimizin təmini üçün hər şeyə hazır olduğumuzu, əzmimizi görürlər.

Dünyanın hazırda gərginliklər, toqquşmlara dolu bir mərhələdən keçdiyi dönəmdə təkcə dövlətin güclü olması bəs etmir. Hər bir ölkənin gələcəyini ordakı cəmiyyətin vətənpərvərlik, dövlətə bağlılıq, yetkinlik dərəcəsi, öz milli maraqlarının təmini uğrunda təşkilatlanmaq bacarıqları müəyyənləşdirəcək. Mən ümid edirəm ki, biz 50 milyonluq xalq olaraq bu sınaqdan da üzü ağ çıxacağıq. İrandakı dinsiz rejimə bağlı ünüsürlərin, ideloji virusların ölkəmizdə sosial epidemiya yaratmalarının qarşısnı alacağıq. Burada peyvənd rolunda mən  bizim elərinə qarşı barışmaz və prinsipal mövqeyimizi görürəm. 

Əzizi dostlar, ortaya mövqe qoyun, dinsiz rejimə ideloji doqmalarını bizim cəmiyyətə sırımağının, Azərbaycanı öz yolundan döndərməyin mümkünsüzlüyünü göstərin.  Sözü gedən rejimə qarşı  bizə ən böyük dəstək, ilk növbədə cəmiyyətimizin dövlətimizə, özümüzün özümümzə verəcəyimiz dəstəkdir, unutmayın!"