Yeni Azərbaycan Partiyasının yaranmasının 30 illiyi münasibətilə keçirilən tədbirlər çərçivəsində Milli Məclisin deputatı Ramil Həsənin təşəbbüsü ilə keçirilən xoşməramlı aksiya başa çatıb. Aksiya çərçivəsində xeyli sayda Ucar sakininə ərzaq bağlamaları təqdim edilib, həmçinin sakinlərin problemləri və onları narahat edən məsələlər öyrənilib.

 

Fürsətdən istifadə edərək, bu xoşniyyətli təşəbbüsə qoşularaq dəstək verdiklərinə görə xeyirxah Türk şirkətinə, "Hünər" Şirkətlər Qrupuna, o cümlədən şirkətin rəhbəri Ehtiram Quliyevə, "Missiya" Media Qrupa və digər şəxslərə dərin təşəkkürlərimizi bildiririk.

Son olaraq bildiririk ki, millət vəkili Ramil Həsənin təşəbbüsü ilə əlamətdar günlərdə müxtəlif formalarda aksiyalar keçirilir, şəhid və qazi, tənha və kimsəsiz, eyni zamanda aztəminatlı ailələrə mütəmadi olaraq baş çəkilir, dəstək verilir, qaldırdıqları narahatlıqların həlli üçün qanuna müvafiq olaraq çalışılır.