"SAF Həyat Naminə” Gənclər İctimai Birliyinin Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə "İstedadlı fiziki mədudiyyətli gənclərin əl işləri sərgisi” adlı layihəyə 15 iyun 2024-cü il tarixindən start verildi.

     Layihənin əsas məqsədi istedadlı fiziki mədudiyyətli gənclərin əl işlərindən ibarət sərgisini təşkil etməklə onların bacarıqlarını ictimaiyyət qarşısında nümayiş etdirmək, cəmiyyətin onlara olan diqqətini daha da artırmaqdır. 

"SAF Həyat Naminə” Gənclər İB-nin sədri Dinara Bayramlı bildirdi : "Layihənin hazırlıq işləri sona çatıb, artıq Autizm Mərkəzinin rəhbəri ilə görüşlər keçirilmişdir, sərginin yeri və tarixi müəyyən edilmişdir. Sərgidə iştirak edən gənclər və onlara aid olan əl işləri seçilmişdir. Qeyd etmək lazımdır ki, sərgi zamanı mərkəzin benefisiarların iştirakı ilə bədii hissə də hazırlanmışdır. Tədbirin sonunda iştirakçılar hədiyyələrlə təltif olunacaq. 

Bu gün vətəndaş cəmiyyətinin nümayəndələri olan biz gənclər  sağlamlıq imkanları məhdud olan uşaq və yeniyetmələrə qayğı və diqqət göstərmək işində  dövlətimizin yanında olmalı, ona dəstək verməliyik. 

          Sərgimiz 26 iyul 2024-cü il tarixində saat 10:30-da Autizm Mərkəzində keçiriləcək”