Bu sözləri saytımıza açıqlamasında internet-media ekspert, QHT sədri Səbuhi Abbasov deyib: "Çox ağır dönəmlərdən keçirik, mən deyərdim ki, 44 Günlük Zəfər savaşından sonra ən həssas dönəmdəyik. Bir tərəfdən xarici ermənipərəst qüvvələr, bir tərəfdən də daxildən olan "şpionlar"... 

Ancaq Zəfər savaşı təkcə torpaqlarımızı geri qaytarmaqdan ibarət deyildi, həm də, tam milliləşmə ilə bağlı idi və bu da olacaq. Rusiyanın, xüsusən də, son dönəmlər atdığı anlaqsız addımları siyasi gediş kimi dəyərləndirmək sadəlövhlük olardı. Bütün mümkün resursları, imkanları, əlaqələri tükənəndə ona qapısını açan "dost" dediyi dövlətə atdığı addımları bir adı var, xəyanət. Zatən başqa nəsə gözləmək mümkün də deyildi. 70 il milli kimliyimizi unutdurmağa çalışdılar, alınmadı, 30 ildir dövlətimizi parçaladılar, alınmadı, içimizdə kök saldılar, özlərinə dayaq nöqtələri yaratdılar, bizi elə biznən vurmağa çalışırlar, bu da alınmayacaq. 

Əminəm ki, məlum siyahı başlanğıcdır, başda duranlardır, bunun davamı da olacaq, müəyyən qurumlardan, partiyalardan tutmuş parlamentə qədər uzanacaq bir siyahı da olacaq... 

Sadəcə Prezident Ilham Aliyevə güvənməli, milliləşmə yolunda bir vətəndaş kimi nə mümkündürsə, onu da etməliyik. Çətindir, imperiyadır və ya imperiyalardır, fərq etməz, biz öz dövlətimizin sahibiyik, müstəqilik, qərarı da özümüz veririk. Bütün tör-tüküntülər "Rus evi" kimi sökülüb atılacaq. 

2003-cü ildə xalq Prezident İlham Əliyevi seçdi, 22 ildə yetişən kadrların içində minlərlə milli, savadlı kadrlarımız var. Hər şey gözəl olacaq. Yetər ki, 44 günlük Savaşda olan birliyimizi, inamımızı sarsıltmayaq, əksinə, daha da güclənək, vahid olaq. #DəmirYumruq yerindədir..."