"Türkiyə hər zaman bizim yanımızda olub, hər zaman bizə öz qardaşlığını hiss elətdirib. Bütün tarix boyunca! 44 günlük Vətən Müharibəsində də Azərbaycan həmin dəstəyi gördü, əziz Türkiyə yanımızda oldu, bizimlə bərabər oldu və həmin bərabərlik bu gün də davam edir. 

Türkiyənin inkişafı göz qabağındadır. Türkiyə günü-gündən güclənir. Hazırda qardaş ölkə dünyada əsas söz sahiblərindən biridir və bunu görmək, bilmək həqiqətən də son dərəcə qürurvericidir. Var olsun, Türkiyə. Bir daha əziz qardaşlarımızı bu gözəl bayram münasibətilə ürəkdən təbrik edirəm” – deyə Partiya sədri fikirlərinə davam edib.